2010/03/30

Vim хэрэглэх бяцхан зааварчилгаа :)

Vim текст засварлагчийн талаар өмнөх нийтлэлээс уншиж болно. Харин энэ удаад энэ текст эдитор дээр хэрхэн ажиллах талаар өөрийн өчүүхэн туршлагаас хуваалцахаар шийдлээ :)

sudo apt-get install vim

тушаалын тусламжтай Ubuntu дээр суулгана. Ажиллуулахдаа:

vim

командаар, эсвэл

vim [filename.ext]

хэрэв filename.ext файл байвал засварлагч нээнэ, хэрэв байхгүй бол шинээр энэ нэртэй файлыг нээнэ(хадгалалгүй програмыг хаавал устана!).

Програмыг нээсний дараа i товчийг дарж insert буюу засварлах горимоор ажиллаж эхэлнэ. Юу бичих нь таны мэдэх хэрэг :) Харин засварлах горимоос командын горим руу Ctrl+C товчны хослолоор шилжинэ.

Бичсэн текстээ хадгалахдаа:

:w

эсвэл

:w [filename.ext]

Хэрвээ та ямар нэгэн програмчлалын хэлээр код бичээд түүнийгээ хөрвүүлэж ажиллуулах бол, зөвхөн хөрвүүлэх ч гэлтгүй терминалын команд биелүүлэх болбол :! тэмдэгтийн ард командаа бичиж ажиллуулах боломжтой.

:!javac HelloWorld.java

:!java HelloWorld

гэх мэт.






Курсор буюу заагчийг удирдах


Командыг горимд байгаа үед курсорыг удирдахад:

k - Дээшээ 
р - Доошоо 
h - Зүүн 
l - Баруун тийш нэг нэг тэмдэгтээр шилжинэ. 

w - Үг үгээр зүүн тийш шижлинэ
b - Үг үгээр баруун тийш шилжинэ
( - Өгөүүлбэр өгүүлбэрээр баруун тийш шилжинэ
) - Өгөүүлбэр өгүүлбэрээр зүүн тийш шилжинэ 






Олон файлтай ажиллах


1. Tab нээж ажиллуулах
:tabnew [file_name] //файлын нэрийг заагаагүй бол шинэ файл үүсгэдэг.
:tabnext //дараагийн таб руу шилжих
:tabprevious //Өмнөх таб руу шилжих
:tabclose //Таб хаах
:tabfind //Табыг нэрээр нь хайх
:tabend //Хамгийн сүүлчийн таб
:tabfirst //Хамгийн эхний таб

2. Дэлгэц хуваах буюу split

:split [file_name] //Файлын нэрийг өгөөгүй тохиолдолд дэлгэцийг 
босоогоор 2 хуваан нээлтэй байсан файлыг хувилан нээнэ

харин хуваагдсан дэлгүүцэд шилжихдээ Ctrl+W хослолоор нар зөв эргэн шилжинэ.

Програм бичих явцад гарч болох ганц нэг асуулт, хариулт

Automatic indentation: програмчлалд зориулсан бүхий л текст эдиторуудад энэ боломж байдаг. Энгийнээр тайлбарлав Enter товч дарагдах бүрд шинэ мөрийн эхэнд очих албагүй, курсор байрлаж байсан газрын яг дор нь шилжиж очно гэсэн үг. Үүнийг идэвхижүүлэхэд

:set autoindent


Tab товчийг дарахад "үсрэх" зайг тохируулах
:set tabstop=2

командыг хэрэглэнэ. Харин эдгээр тохиргоог /etc/vim/vimrc файлын төгсгөлд шинэ мөрөнд бичээд хадгалчих нь зүйтэй. vimrc файл нь өөрөө энэхүү засварлагчийн тохиргоонуудыг хадгалж байдаг файл юм.

Ер нь vim текст засварлагч маань өөрөө асар өргөн боломжтой, олон товчилбор(shortcut) хүчирхэг, гоёмсог plug-in-ууд их олонтой. Ер нь судлаад хэрэглээд байвал мөд барагдахгүй шинжтэй. Миний энэ бичсэн нийтлэлийн дагуу судалбал энгийн хэрэглээндээ энэхүү эдиторыг боломжийн түвшинд хэрэглээд сурчих боломжтой.

Аан нээрээ хэрэгтэй хэдэн командыг хэлж өгөхөө мартаж орхиж.

Tab товчийг дарахад "үсрэх" зайг тохируулах
:help //тусламжийн мэдээлэл
:wq //хадгалаад хаах
:q //тухайн нэг цонхыг хаах
:q! //тухайн цонхыг хүчээ хэрэглэн хаах
:qa! //бүх цонхыг хүчээр хаах
хаах командуудыг эхэн хэрд бичвэл хаагаад сайн судлалгүй мартчих болов гэж санасандаа хамгийн сүүлд бичье гэж бодож байсан юм :P одоо биччихлээ. VIMчин болох үйлсэд тань амжилт хүсье :)

3 comments:

Миний бичсэн бичлэг танд өчүүхэн ч болтугай хэрэг болсон бол сэтгэгдлээ бичиж үлдээхийг хүсье. Баярлалаа :)